شركة انتاج سينيمائى اتصلت بيا LOOL

دايما كنت بعد اهزر أنا و صحابى و نعد نقول الله عاوزين نعمل كرتون مع بعض عشان كلنا أصواتنا طفولية شوية
بس لم اكن اتخيل أو اتصور فى حياتى أبدا ان يحصلى الموقف ده

أ: انتى رحاب
أنا : اه
أ: احنا شركة انتاج سينمائية و عاوزين نعمل معاكى مقابلة
أنا : معلش مسمعتش كويس (أنا فاكرة انى سمعت غلط)
أ: احنا شركة المتحدين السينمائية تبع حسن رمزى و أحمد السقا و عاوزين نعمل معاكى مقابلة
أنا : هو ده مقلب!!!
أ: لأ واللهى مش مقلب
أنا: حضرتك أنا فى كلية كمبيوتر ساينس اه اللى يجبنى هنا
أ:لأ ما هو فى حد رشحك عشان صوتك حلو LOOOOOOOOOOOOL
(استنتجت انه أصوات للكرتون تقريبا)
أنا: لأ شكرا
أ: ده فيها فلوس حلوييين
أنا : لأ لأ لأ شكرا و قفلت


هو ليه قلت لأ اللى يعرفنى يعرف انى بحب الحاجات دى جدا جدا جدا  جدا بس خفت ليكون فيها حرمانية + الله أعلم الناس دى نصابين ولا ايه :D
نفسى اعرف جداااااا مين اللى رشحنى :D

Section 14

لما عرفت انى حبقى معيدة ان شاء الله كنت دايما بدعى ان ربنا يرزقنى بطلبة مش رخمة و متكونش رزلة و تكون نفسها تتعلم

و ببقة فعلا خايفة جدا انى ادرس لناس مش طموحة

المهم الترم ده دخلت فى نصه و كان “أول “سكشن ليا  و كان عن ال flowchart  و ال pseudo code  و intro to c++

أول مدخلت السكشن فوجئت ان السكشن معظمه ولاد و دى حاجة خوفتنى جدا (لان الولاد غالبا بيبقو رخمين  (:P

بس اللى حصل عكس كده  الحمدلله ...كل واحد فى السكشن فعلا مش بعتبره طالب خالص بجد بحسهم اخواتى بجد

المميز فيهم انهم مختلفين و عندهم هدف فعلا مبسوطة جدا انى درست للسكشن ده و مبسوطة انى اتعاملت مع ناس زيكم و على "أخلاقكم دى " و روحكم العالية مع بعض ما شاء الله

و ان شاء الله دايما نمشى على المعادلة دى

علم + عمل + أخلاق =نهضة : )

فى النهاية فعلابحمد ربنا انى درستلكم و يارب اكون افدتكم و بعتذر عن اى حاجة ضايقتكم

و اللى متوقعاه ان كل واحد منهم حيعمل فرق جامد اوى اوى ان شاء الله و حيفرق جامد و حيكون رائد فى بناء نهضة الأمة

ان شاء الله