Thursday, December 22, 2011

رسالة عتاب لمعلمى ....


صمت كثيرا و لم أخبرك بما أشعر به  و لكنى أريد البوح به
معلمى لماذا تعلمنا و انت متجهما ؟؟ ألا تعلم ان الابتسامة صدقة ؟
معلمى لماذا تسخر منى عندما اسأل سؤالا تعتبره (أنت) سؤالا غبيا ؟
معلمى لماذا لا تشجعنى عندما اتفوق ؟
معلمى لماذا توبخنى أمام الجميع عندما أخطأ ؟ فلتعاقبنى و لكن باحترام
معلمى لماذا لا تتقن المنهج ؟ أليس عندك وقت  ؟  أتعلم انك تحاسب على اهمالك لهذا ؟
معلمى لماذا عندما اسألك "لماذا" تقول لى "هى كدا" ؟؟
معلمى لماذا  عندما احاول ان أفكر أو اجيب سؤال ما.. لا تشجعنى  ان اجاوب مرة ثانية فانت تريد ان اقول كما قال الكتاب و لا تريدنى ان أفكر ؟
معلمى ألا تعلم اننى اعيش حياة شاقة مثلك و بحاجة اليك لكى تساعدنى ؟
معلمى لماذا تخبرنا دوما عن انجازاتك ألا تعلم أن من تواضع لله رفعه ؟
معلمى حلمت دوما و انت تصحح لى الواجب ان تهتم بكل شئ فيه و ان تقول لى أخطائى ففرحى ليس بحصولى على الدرجة الكاملة و لكن عندما"اتعلم"
معلمى لماذا لا تبتكر طرقا جديدة فى طريقة التدريس ؟ لماذا تعلمنى بطريقة  السرد و ليس الفهم ؟
معلمى ألا تعلم انى انسان بداخلى طاقة تريد أن تغير  هذه البلد ؟
معلمى لماذا دائما تقول على لعبى ؟ أنا لست لعبى يا سيدى الفاضل و لكنى سئمت من طريقتك .. سئمت من تمثيلك على دور المعلم
فعذرا من يفعل ذلك فهو بعيدا كل البعد عن هذا اللقب ..
معلمى لقد علمتنى شيئا ألا و هو ان لا اتقن عملى فهنيئا لك بما علمته لى
معلمى اعتذر ان كنت شديدا معك و لكنى اكاد ان انفجر و اشعر بالشفقة عليك و ما ستحاسب عليه من تقصيرك لنا


دى رسالة موجهة ليا قبل أى حد
الحقيقة الموضوع كبير . يمكن ناس كتير حتقول أصل هو بيقبض كام  يعنى عشان يشتغل بزمة ؟ لما يبقى يقبض كويس ابقو حاسبوه
الحقيقة الموضوع مش موضوع فلوس .. فى دراسات اتعملت و أثبتت ان الناس اللى بتشتغل من غير فلوس بتتقن عملها اكتر بكتير من الناس اللى بتشتغل بفلوس .. زائد ان فى حاجات كتير ممكن تعملها و انت بتدرس مش حتكلفك و لا فلوس و لا وقت زيادة
الموضوع موضوع ضمير .. هو أنا حتحاسب لما اخلص السكشن بدرى و يبقى فى وقت زيادة ممكن كنت افيدهم و اساعدهم فيه ؟؟
اعلمهم حاجة جديدة ؟؟
هو أنا حتحاسب لو قلتلهم هو كده احفظوه ؟؟ هو انا حتحاسب لو صححت الواجب اى كلام وادى لكل الناس درجات حلوة ؟
هو أنا حتحاسب على كل دقيقة جيت فيها السكشن متأخر ؟
هو انا حاسس انى ممكن اغير حياة طالب للأحسن ؟؟ و لا حاسس ان دورى مجرد (ألة و بتسمع )؟
هو أنا حاسس انى لما بتريق على سؤال طالب انى بقتل تفكيره ؟؟ و لما بتريق على اجابته انى بخليه مش واثق فنفسه فميخليش مخه يفكر ؟
هو أنا لو مش مهتم بالطالب كده باحبطه ؟ بخليه ميحسش انه بيتعب و انه لا قيمة له ؟
هو أنا باشتغل الشغلانه دى ليه ؟؟ عشان ابقى دكتور و يبقى ليا مكانة علمية !! و لا عشان اشارك فى بناء النهضة  و بناء جيل

فى النهاية أحب أشكر كل من كان مثالا للمعلم الفاضل
دكتور أحمد صلاح و دكتور عمر عثمان و غيرهم  ...ربنا يكرمكم يارب حضراتكم معلمتونيش علم و بس
اتعلمت منكو حاجات كتير
علمتونى كلمة الاتقان .. علمتونى يعنى ايه الغش و انه ظلم  .. خلتونى عندى هدف (نهضة) اغير .. اعمل فرق
مكنتش بتكسف انى اقول اجابة مش منطقية ..مكنتش خايفة انى اسأل سؤال غبى
كان دكتور عمرو عثمان دايما بيقولنا "مفيش حاجة اسمها سؤال غبى "
دكتور أنا و عدت حضرتك انى حعمل زيك ان شاء الله  ويارب اعمل زيك
اللهم اجعلنى متقنة نسألكم الدعاءD:

Posted by Rehab Reda at 7:37 AM

20 comments:

  1. RanaDecember 22, 2011 at 7:56 AM

    (Y)(Y)(Y)

    ReplyDelete
  2. anollipianDecember 22, 2011 at 8:21 AM

    يااااه لو كل المدرسين يفكروا في الكلام ده قبل ميدرسوا
    و مش شرط مدرسين أي حد يعرف علمه و يقدر ينقله لحد تاني

    جزاك الله خيراً يا رحاب :))

    ReplyDelete
  3. Sarah MonemDecember 22, 2011 at 8:40 AM

    رحاب.. انتي اتحطيتي في مكان مش سهل.. الا و هو التدريس
    هتتعبي و هينشف دمك.. بس اللي هيخليكي تثبتي هو انك عندك هدف.. أنا بحييكي و بتمنى انك تفضلي في المكان دة لحد ما تححقي هدفك و تكوني عبرة للدكاترة و المعيدين.

    أما انتي و فلان و فلان يشتغلوا على الهدف دة مش هيكون فيه مكان للمعيدين و الدكاترة اللي مزكورين فوق..

    ربنا معاكي و يعينك ان شاء الله

    ReplyDelete
  4. root3December 22, 2011 at 9:53 AM

    مين قال انه التدريس ده مهنة سامية؟
    :]
    هو أسمى مهنة من وجهة نظري .. يااااه لو كل اللي ربنا إداله نعمة انه يكون مدرس يبقى حاسس بعظمة النعمة دي! .. ده و الله في إيده كتير يعمله

    ربنا يعينك يا رحاب :] و يعيننا جميعاً

    ReplyDelete
  5. AnonymousDecember 22, 2011 at 10:01 AM

    والله التدريس مش مهمه سهله خالص

    ممكن اكون اعلي تقدير في دفعه بس مش قادر افهم او اخلي طريقه الشرح شيقة او طلبه تحب تحضر وهكذا

    ان شاء الله يا رحاب تكوني من افضل ناس انا وثق فيكي والله جدا

    ReplyDelete
  6. AnonymousDecember 22, 2011 at 10:52 AM

    (Y)(Y)(Y)(Y)(Y)(Y)(Y)
    za3bola , u r the BEST!!

    ReplyDelete
  7. AnonymousDecember 22, 2011 at 11:34 AM

    انابلمت لما قريت الكلام, رجعت بيا الذاكرة لايام ابتدائي
    وافتكرت اللي كنتوا بتعملوه معانا, ناس اكبر مني بسنتين عرفت تغيرني, بينما ناس اتخرجت واشتغلت والمفروض اخدت خبرة نتيجتها كانت سلبية
    الموضوع كله فعلا ضمير

    ان شاء الله هتحققي هدفك يا رحاب لانك فعلا بدأتيه من سنتين

    ReplyDelete
  8. Esraa IbrahimDecember 22, 2011 at 2:10 PM

    سلام عليكم ورحمة الله وبركاته :

    يااااااااااه يا رحاب لو كل الناس تفكر زيك .. يااااه لو كل واحد يعمل اللى عليه .. والله لو كل واحد عمل بس اللى عليه بضمير و هوه عارف ان ربنا رقيب عليه .. بلدنا هتبقى أحسن بلد فى الدنيا.

    بجد الكليه ده على أد ما فيها إرهاق ... بس فيها جو كده صعب الواحد يوصفه .. جو متعب وممتع .. فيه اخلاق كتير اتعلمناها من ناس كتير فى كليتنا سواء معيدين او دكاتره.

    أنا نفسى أشوفك يا رحاب انتى وكل المعيدين سواء اللى من دفعتكم او المعيدين اللى جايين او اللى كانوا موجودين قبل كده .. نفسى اشوفكم بتغيروا فى الناس الأخلاق قبل العلم .. نفسى اشوف كليتنا حلوه جدا .. واشوفنا بنساعد بعض وما فيش فينا حد محتاس ومش عارف يعمل حاجه.

    أنا متفائله خير إن شاء الله بيكم وبينا كلنا بإذن الله .. متفائله عشان كلنا عندنا الدافع اننا نغير فى أى مكان هنكون فيه إن شاء الله :)

    ربنا يوفقكم جميعا ويوفقك ويقدرك انك تحققى حلمك.
    وأنا مبسوطه بجد اوى بالبوست ده :D

    سلام عليكم

    ReplyDelete
  9. AnonymousDecember 22, 2011 at 2:26 PM

    Thanks for that memo I found two points in myself (secret) and I will work on them isA

    ReplyDelete
  10. AnonymousDecember 22, 2011 at 3:08 PM

    awwwwwwwwwwesome!!
    rabbena yeg3alek men el motqenen we ye3'ayyar beky shakl el ta3lem kollo isAAAA!
    we teb2y wa7da men el nas elly fe3lan 3amalo el nahda!

    ReplyDelete
  11. UnknownDecember 22, 2011 at 3:19 PM

    اعمليلهم جروب على جوجل بلاش الياهو علشان مشاكله الكتيرة وبلاش الفيسبوك علشان تضيع وقته الكتير.

    ربنا معاكى :).

    ReplyDelete
  12. MomoDecember 22, 2011 at 4:18 PM

    LIKE !!!!

    ReplyDelete
  13. AnonymousDecember 22, 2011 at 11:07 PM

    Super like!!!

    bas yarab ye2addarna fe3lan 3ala kol dah w manensash our main mission..."هو أنا باشتغل الشغلانه دى ليه ؟؟ عشان ابقى دكتور و يبقى ليا مكانة علمية !! و لا عشان اشارك فى بناء النهضة و بناء جيل"

    ReplyDelete
  14. RokayaDecember 23, 2011 at 12:26 AM

    ريرييييي.. حلو قوي البوست ما شاء الله
    ربنا يكرمك يارب ويقويكي على مهمتك انتي وكل اللي شايل المهمة دي :)
    وبجد انا متوسمة فيكي خير قوي من أول ما بدأتي مع سنة أولى ما شاء الله عليكي
    ان شاء الله هيكون ليكي أثر عظيم ف التغيير
    (Y)

    ReplyDelete
  15. Rehab RedaDecember 23, 2011 at 5:51 AM

    @Rana,anollipian,Tasniem,Anonymous1
    شكرا على الدعوات ربنا يكرمكم :D
    @Za3bola : ربنا يخليكى :D
    @Anonymous2: that's great , god be with u
    and all of us ISA:D Rabena ykremk :D
    @abumuslimAmr,5olio :جزاكم الله خيرا على الدعوات الجامدة دى ربنا يكرمكم و يكرمنا جميعا ان شاء الله :D
    @Momo :Thanks : )
    @Dr.Dina : ايوه أهم حاجة النية بجد
    اللهم اجعل أعمالنا خالصة لوجهك الكريم
    @ٌRoka :D يارب يا روكا ربنا يكرمك :D

    ReplyDelete
  16. Rehab RedaDecember 23, 2011 at 5:54 AM

    @5olio : عملت للسكشن جروب
    لوحده على ال
    face
    و على ال gmail
    بس غالبا مش بيفتحو ال mail
    خالص و كل الاسئلة على ال
    face:D

    ReplyDelete
  17. Rehab RedaDecember 23, 2011 at 5:55 AM

    @Esraa Ibrahim : شكرا يا اسراء و أتمنى ان ده يتحقق ان شاء الله :D
    @ayaat : يارب يا ايات يارب جزاكى الله خيرا يا كبير :D

    ReplyDelete
  18. marwaDecember 23, 2011 at 12:01 PM

    ياريت كل معلم يقرا الكلام ده و يفكر فيه و يقوم باقصى جهده علشان هو اساس نهضه البلد... و ربنا معاكى و تكونى السبب فى نهضه البلد و وصول هذه المعلومه لكل معلم بيتكاسل ... و جزاك الله كل خير
    و ياريت كل واحد يعمل اللى عليه و محدش يقول هو انا اللى هغير حاجه ما هو كل الناس بتعمل كده لان لو كل واحد قال كده عمر ما حاجه تتغير
    ........................................
    نفسى كل معلم يقرا الكلام ده

    ReplyDelete
  19. AnonymousAugust 7, 2012 at 5:18 AM

    معلمى : انت أستقلت

    ReplyDelete
  20. Rehab RedaFebruary 20, 2013 at 10:10 AM

    @Anonymous
    و كان لابد منها : D

    ReplyDelete

Comment :

Subscribe to: Post Comments (Atom)