واصل عملك دوما

كان فى فيلم اتفرجت عليه اسمه Meet the Robinsons الفيلم الملخص بتاعه ان ولد بيفشل فى اختراعاته و الاسرة بتاعته كانت دايما بتشجعه و تقوله فشلت فشل رائع مكنش استهزاء ده كان بجد و دايما بيقولوله الجملة دى keep moving forward ...الفيلم ده بجد أثر فيا جدا جدا جدا لأقصى درجة وبجد انصحكو بجد انكو تتفرجو عليه

 طيب ازاى عمليا اطبق Keep Moving Forward ؟
 ماهو مش كلمة و خلاص الكلمة دى وراها حاجات كتير المفروض تتعمل عشان تقدر تطبقها صح

أولا :متعدش تقول أنا "كنت " أنا "عملت" أنا منجحتش قبل كده ... لأ ممكن تسيب زمن الماضى ده و ارميه و متفكرش فيه نهائيا حطه فى ال Recycle bin :D ابدأ من دلوقتى بأمل جديد و بعزيمة و بارادة

 ثانيا: اتعلم من أخطائك ماهو لو انا منجحتش فى حاجة قبل كده اكيد بسبب حاجة.. ممكن اكون معملتش خطة واضحة .. مش ماشى فى الطريق الصح بتاع الحاجة دى مثلا .. الخ ..عشان كده اسأل اللى أكبر منك اتعلم من خبراتهم (السؤال ليس عيبا) طالما ان محدش بيوجهك ..هو بيزودك بمعلومات ممكن تفيدك فى الطريق بتاعك.

ثالثا: عندك هدف أصلا عشان تقدر تكمل ( عندك جزرة تقدر تخليك تمشى لقدام و متقفش) ماهو لو مش عندك هدف أكيد مش حتكمل لازم يبقى عندك هدف و "حلم" عاوز تحققه تتعب علشانه .. تستحمل الضغوطات علشانه.

 رابعا :ثق فى نفسك و انك تقدر تحقق الهدف ده ..مفيش حاجة اسمها أنا مش حقدر .. مفيش حاجة اسمها الموضوع ده صعب عليا !مفيش حاجة اسمها أنا مش حانجح ..أنا فاشل !

Everyone has inside of him a piece of good news. The good news is that you don't know how great you can be! How much you can love! What you can accomplish! And what your potential is!

Anne Frank

 انت قاعد تبعت رسايل سلبية لنفسك و عقلك الباطن بيصدقها و للأسف اللى أنت مؤمن بيه هو فعلا اللى بيحصل.
لو أنت مؤمن انك حتنجح و انك حتعرف تحل المشكلة و انك حتعمل تغيير فى البلد و حتفرق جامد ..حتغير فعلا و حتفرق ان شاء الله بس كمان مينفعش تبقى مؤمن بانك حتنجح و متاخدش بالأسباب يعنى ايه ؟ يعنى مش اعد اقول انا حنجح ان شاء الله و انا مش بكمل مذاكرة نص ساعة فى اليوم ... لأ لازم تاخد باسباب النجاح مع ايمانك انك حتنجح.

خامسا : هااا عندك الايمان الجامد بالهدف اللى حيخليك تتعب و تسهر عشان تحقق هدفك ؟

 يارب كلنا نحقق أهدافنا و أحلامنا ..